Drög að yfirliti yfir stefnu stjórnvalda í einstökum málaflokkum sem varða landnotkun
Fyrstu drög til kynningar
Í samræmi við reglugerð um landsskipulagstefnu nr. 1001/2011 hefur Skipulagsstofnun tekið saman yfirlit yfir stefnumörkun og
helstu áætlanir sem fyrir liggja í einstökum málaflokkum á landsvísu og varða landnotkun og skipulagsgerð sveitarfélaga. Yfirlitið er lagt til grundvallar við mótun landsskipulagsstefnu og markmiðið er að það verði til leiðbeiningar fyrir skipulagsgerð. Hér er um að ræða fyrstu drög að yfirliti yfir stefnu stjórnvalda í einstökum málaflokkum og það kann að taka breytingum í samræmi við stöðu áætlana á þeim tíma þegar tillaga að landsskipulagsstefnu 2013-2024 verður auglýst.
Skipulagsstofnun óskar hér með eftir ábendingum og athugasemdum við þessi drög, með það að markmiði að eiga þess kost að betrumbæta yfirlitið áður en tillaga að landsskipulagsstefnu verður auglýst í haust. Hægt er að koma á framfæri ábendingum og athugasemdum í netfangið landsskipulag@skipulagsstofnun.is fyrir 1. ágúst næstkomandi.
Allar athugasemdir verða birtar á heimasíðunni og þær nýttar við vinnslu yfirlitsins, en þeim sem gera athugasemdir verður ekki svarað sérstaklega.